DÜNYA

Hamısı

Bu ölkə sosial şəbəkələrlə bağlı fərman imzalayıb

(4 Ay, 4 Gün önce) 165 İzlənmə
ABŞ Prezidenti Donald Tramp sosial şəbəkələrin fəaliyyəti ilə bağlı fərman imzalayıb

UTVXƏBƏR.com:                      ABŞ Prezidenti Donald Tramp sosial şəbəkələrin fəaliyyətini tənzimləməyə kömək edəcək və onların məsuliyyətdən müdafiə hüququnu ləğv edəcək fərman imzalayıb. “BBC”-nin  məlumatına əsasən, Tramp bu barədə jurnalistlərin suallarını cavablandırarkən açıqlama verib:


“Biz bu gün söz azadlığını əsas təhlükələrin birindən qorumaq üçün buradayıq”.

 

Tramp tərəfindən imzalanan sənəd ABŞ-da xüsusən sosial şəbəkələrdə davranış qaydalarını müəyyən edən qanunun (Communications Decency Act ) 230-cu bəndini qüvvədən salacaq. Bu paraqraf  internet şirkətlərini yaratdıqları platformalarda yerləşdirilən mesajların məzmununa görə məsuliyyətdən azad edir. Beləliklə, sözügedən bənd tvitter və feysbuk şirkətlərini hər hansı bir paylaşıma görə böhtan və ya şərəf və ləyaqətin alçaldılması kimi mümkün ittihamlardan qoruyur. Bununla yanaşı sözügedən qanun sosial şəbəkə şirkətlərinə həmin paylaşımları redaktə etmək icazəsi tanıyır.


230-cu bənd internet üzərində söz azadlığını qoruyan ən vacib bəndlərdən hesab olunsa da bir çox siyəsətçilər bu bəndin sosial şəbəkələrə yalan məlumat yaymaq imkanı verdiyini düşünür.
 

Məsələn, ABŞ Demokrat Partiyasından prezidentliyə namizəd Co Bayden də sosial şəbəkələrin yalan yaymasına imkan verdiyinə inanaraq, 230-cı maddənin ləğvini tələb edir.


ABŞ-ın Respublikaçılar Partiyasının üzvləri, o cümlədən Donald Trampın özü dəfələrlə sosial şəbəkələri mühafizəkar fikirlərin yayılmasının qarşısını almaqda günahlandırıb.


Amerika lideri sözügedən fərmanda 230-cu maddənin istifadəçi məzmununun redaktə edilməsinə görə internet şirkətlərini məsuliyyətdən azad edən hissəsini tənqid edib. Trampın sözlərinə görə, platformalar bu hüquqdan sui-istifadə edərək fərqli fikirlərin paylaşılmasını əngəlləyirlər.


Trampın imzaladığı fərmana əsasən internet şirkətlərin hansı şərtlər daxilində məzmunları məhdudlaşdıraraq qanundan sui-istifadə etdiyi müəyyənləşdirilməlidir. Belə ki, 230-cu maddəyə əsasən ancaq “vicdanlılıq” prinsipinin qorunması şərti ilə hər hansı məzmunun redaktəsinə icazə verilir.


Hökumətin onlayn reklam və təbliğat xərcləri təhlil edilməlidir. Bu maddə “Vergi ödəyicilərinin söz azadlığını məhdudlaşdıran onlayn platformaların maliyyələşdirilməsindən qorunması” adlanır.


2019-cu ildən bəri Ağ Evə göndərilən İnternet platformalarında siyasi görüşlərə görə senzura ilə bağlı 16 mindən çox şikayətə baxılmalıdır.


Onlayn platformalar tərəfindən “saxta və ya dürüst olmayan” hərəkətlərin qarşısını almağa yönəlmiş qanunlar hazırlanmalıdır. 

 


BIST
1112-1,33
ALTIN
504,2621,27
EURO
9,73240,40
DOLAR
8,35081,11
Arxiv
Anketlər
Aydın Büyükşehir Belediyesinin Çalışmalarından Memnun musunuz?
Bu anketə toplam 3 şəxs qatıldı