QƏRƏZSİZ XƏBƏR PORTALI

Səhifə ünvanı : http://www.utvxeber.com/haber-detay/6084_r-q-msal-transformasiya-uzr-az-rbaycan-turkiy-isci

İQTİSADİYYAT

Hamısı

Rəqəmsal transformasiya üzrə Azərbaycan - Türkiyə İşçi qrupunun ilk iclası keçirilib

(3 Ay, 14 Gün öncə) 422 İzlenme 0 Yorum
Rəqəmsal transformasiya üzrə Azərbaycan - Türkiyə İşçi qrupunun ilk iclası keçirilib

Bu gün Nəqliyyat, Rabitə və Yüksək Texnologiyalar Nazirliyində Rəqəmsal transformasiya üzrə Azərbaycan - Türkiyə İşçi qrupunun ilk iclası keçirilib.

Bu barədə Nəqliyyat, Rabitə və Yüksək Texnologiyalar Nazirliyi məlumat yayıb.

Bildirilib ki, iclasa Nəqliyyat, Rabitə və Yüksək Texnologiyalar Nazirliyi Aparatının rəhbəri Samir Məmmədov və Türkiyə Respublikası Prezidenti Administrasiyasının Rəqəmsal Transformasiya Ofisinin sədr müavini Yavuz Emir Beyribey həmsədrlik edib.

 

İşçi qrupunun iclasında rəqəmsal transformasiyanın əsas komponentləri olan böyük məlumatların emalı, süni intellekt, “Hökumət buludu” və kibertəhlükəsizlik sahələrində əməkdaşlıq imkanları müzakirə olunub. Azərbaycanın rəqəmsal transformasiya konsepsiyasının hazırlanmasında Türkiyə təcrübəsinin öyrənilməsinin əhəmiyyəti vurğulanıb.

İclas zamanı fərdi məlumatların mühafizəsi sahəsində iki ölkənin milli qanunvericiliyinin uyğunlaşdırılması, sonrakı mərhələdə isə məlumatların transsərhəd ötürülməsinin təmin edilməsi üçün “etibarlı ölkə” statusunun əldə edilməsi ilə əlaqədar saziş layihəsinin hazırlanması ilə bağlı fikir mübadiləsi aparılıb.

Qeyd edək ki, İşçi qrupunun yaradılması barədə razılıq nəqliyyat, rabitə və yüksək texnologiyalar naziri Rəşad Nəbiyevlə Türkiyə Respublikası Prezidenti Administrasiyasının Rəqəmsal Transformasiya Ofisinin sədri Ali Taha Koç arasında 18 fevral 2021-ci il tarixində Ankara şəhərində keçirilmiş görüş zamanı əldə olunub.


Şərh Yaz

ŞƏRHLƏR

Daha əvvəl heç kim bu xəbərə münasibət bildirmədi.
İndi ilk rəyi yazın!

ELAN VƏ XƏBƏRDARLIQ

Hamısı
  • Sabah paytaxt və ölkə ərazisində hava şaxtalı, küləkli və dumanlı olacaq. Diqqətli olun !
    8 Ay, 15 Gün öncə
SÜPER LİG
XƏBƏR LENTİ
Arxiv
QƏZET BAŞLIQLARI
KARİKATURA
Anketlər
Azərbaycan Türkiyə münasibətləri sizi qane edirmi ?
Bu anketə toplam 6 şəxs qatıldı